صفحه جديده للشاعر عادل داود عسكر
صفحة جديدة....كلماتى....عادل داودعسكر...
صفحة جديدة.وفى اول سطر.اكتب بحبك يامصر
إكتب أن العشه فى مصر...بمليون ...............قصر
إكتب فيها.إن بلدنا..تاريخ وحضارة ورمز.....النصر
إكتب.طيبة شعب .ودقة قلب وخير ملهوش حصر
صفحة جديده.بجملة مفيدة.فيها.آمان.فيها إنسان
إكتب.وقول وعلى طول مصر اجمل واحلى مكان
إكتب وقول.فيها علم وفكر وللفن والثقافة عنوان
هرم ونيل وشعب اصيل..مذكورة...فى.....القرءان
صفحة جديدة.واكتب.حروف بمية...............دهب
مصر اسم فى ....الحضارة والتاريخ عمره ماانشطب
اسم خالد.مهما..عداها غازى أو حتى..........ابو لهب
فيها جنود اسود.سطروا امجاد.والتاريخ عنهم كتب
مصرى انا وافتخر.اجدادى فراعنه.واصل......العرب
صفحة جديدة اكتب زويل محفوظ شعراوى صلاح
عبد الوهاب حليم.يعقوب.عرابى.رموز وفجر... لاح
وزيهم كتير فى مصر أرض الامان والمحبه والسماح
كل العالم فيه .معالم من بلدنا.ارض التاريخ.والبراح
ومهما تكتب الورق مايكفى ولايوفى مصر....النجاح
........تحياتى.....عادل داودعسكر......
تعليقات
إرسال تعليق