شخصية الهوجه للشاعر محمد جمال فايد

.............شخصية الهوجة......................
.................................................. ....
شخصية الهوجه تمشى مع الموجه 
........زى حطب عايم على المية مع التيار

لو عليت الموجة يعلا معاها

........ولو إنهارت بطبيعته هوه كمان ينهار
ولو ركنت على الشط يركن فى
......... إنتظار موجة أقوى يبلغ معاها فرار
تخده معاها حسب هواها ترفعه
..........وتخفضه وتسقيه طين وبعده مرار
عايش حياته مسخرة ومرمطة
.....................وشرمطة ولعبةعيال وهزار
فى الدنيا كومبارس لا ليهم رأى
..........واضح ولا حل راجح لمشكلة وقرار
والحوار عندهم صوت عالى
...........وثرثرة وتشويه صور وكدبهم جبار
ونفاق علنى على الملأ للى
.............يدفع وللى يسرق وللى عقله طار
 وصاحب النفوذ لوكان حرامى
.............يبقى فى نظرهم ولى من الاطهار 
وتبقى الحقايق واضحة قدام
.....عنيهم وللإثارة يألفوا من الدماغ أسرار
ويتعاموا ويتجاهلوا ويتغابوا
....علشان يحسواإن لهم فى المجتمع أدوار
ويكدبوا الدنيا علشان المصلحة
........... الخاصة والليل يقولوا عليه دا نهار
وللأسف أصحاب الضمير قلة
..........وإللى باعوا ضمايرهم فى بلدنا كتار
وكل ضحية من ضحاياهم بيدعى
...........ربنا إنه يشوفهم محروقين فى النار 
أو محبوسين فى بيت أفاعى محاط
.....بحواجز وعليه من جميع الجهات أسوار
جزاء نفاقهم وكدبهم وغشهم
..........لأنهم رغم الغباء فاهمين إنهم شطار
...................مع تحيات .........................
...............محمد جمال فايد........................
............جمهورية مصر العربية....................
........كفر شبرا زنجى الباجور منوفية...........