الوصية بقلم اليان سمعان

اسمع وصيتي ياابني قبل
ماتفل
---===000((( خلي الكرامة والشرف دوم رسمال

لاتطول الغيبة عالوطن بدي
تهل
---===000(((وجودك معانا هون مابينشرى بالمال

كتابك والعلم اوعا بيوم
تكل
---===000((( بدك دراسة وتعب لاتحقق المنوال

احذر بطول العمر للزمن
لاتذل
---===000((( ولاتمد ايدك يوم ل عالم الانذال

شد عاروحك والمشكل بايدك
حل
---===000((( ال بيعتمد عالناس غير الفشل مانال

لاتعتدي عالناس اوعى بمال
تقل
---===000((( للمرجلة مايوم اوعاك ترخي حبال

اوعاك من شغلك بيوم
تمل
---===000((( بعزم وارادة وتعب بتقدر تزيح جبال

اوعاك ياابني الورق والايد
لاتبل
---===000((( خارب بيوت كتير ومشتت عيال

شرب الخمر والكاس للعقل
بيشل
---===000((( اوعى السكر يابني ودير البال

اوعى بنات الهوى والزنى
بيذل
---===000((( بتكره الجيزة دوم ومابشفلك عيال

فتش عالوفي بالناس شفلك
خل
---===000((( يوقف بضهرك لو يوم حملك مال

عاخياتك ياابني كل يوم بدي
تطل
---===000((( قلا ياخيتي شتقت اليوم كيف الحال

مهما كبرنا بالعمر لازم ياابني
تضل
---===000((( قدام تجربة الزمن منتعلم واطفال

هاي النصيحة ياغالي للحكي
بتجل
---===000((( بشوف حالي فيك لاتحقق الامال

ربي يوفقك دوم يابني وين
ماتحل
---===000((( بدنا على وصولك تبعتلنا مرسال

ااااااااااااااااااااااااااااااااااالله معك
******************************************
مسا المحبة ... صباح الطاعة
الشاعر السوري المهجري . د . اليان سمعان
سفير اكاديمية السلام العالمية .. كاليفورنيا