ياحميكي يابلدي بقلم الشاعر محمود عمار الزابالي
وفاكر انك نسيتينى
وفاكر مرة رويتينى
ولسه برضه عطشان
وفاسى على كتفى
لحفر قناية
ترويكى وتسقينى
بس اللى مش فاكره
ان قنايتى
دى قبرى
فيها هترمينى
مع انى شايل
ترابك على جبينى
وهمومك على صدرى
حجر
خانقنى وهارينى
وعليكى دمعتى تجرى
على خدى بتكوينى
هو أنا برضه مش إبنك
ولا فقرى بيعيبك
ولا شكلى مش عاجب
ولا رجعلك الهارب
أرجوكى بلاش تبكى
ولا عارفه لمين
تشكى
أشكى
بس مش ليا
انا عارف انى مش ضايع
ولا بايع
انا بايع
عمرى فدى ترابك
ويوم ما تنادى
تلاقينى
على بابك
ومش فارقة
عندى
تحنى ولا ما تحنى
مهو أنا اللى بيكى
باعيش
ومن غيرك
ما يحلالى
نوم ولا عيش
يحميكى
يا بلدى
============== محمودعمار الزلبانى
تعليقات
إرسال تعليق