عيشة الغلابه للشاعر محمد البنا

عيشة الغلابه. 

شباب عايشين وسط الجبل

وضغوط نفسيه لا تحتمل 

من ناس ديابه

صاحيين للشغل وقت الشروق

راجعين من الشغل وقت الغروب والدنيا غابه. 

شاب عاقل

شاب راسي

شاب بيعدي يومه بضحكته

وشاب لهمومه ناسي.     ماهو من شيل الهم إتهبل.

سايبين بيوتهم متغربين. يجيبو قوتهم شقيانين

واللي يحس بيهم مين؟!

. 

. 

مين يحس بقطبة ظهرهم.

وحرقة دمهم.

شمس بتحرق جسمهم. (مستحملين)

وكلام زي السم فوشهم. (مطنشين)

وحمل زياده فوق كتفهم. (متحملين).

. 

والغلبان مش يعني اهبل زي مانتو مفكرين.

الغلابه هما اللي بيسعوا لحلمهم.

ومهما شقيوا فبلادهم.    لحلمهم مش طايلين.

بس  مش ناسيين خالقهم.   وفطريقهم مكملين.

وبعون رب الكون  واصلين.

بس بردو ماتقضيهاش.

وتنام وتمدد في سريرك وتعيشها طناش ف طناش.

وتشيل نفسك الهم  

واللي ييجي ينصحك لوجه الله. تقوله انت باللي فيا ماتدراش..

#مبتدئ